នគរបាលក្រុងតាខ្មៅ បង្ក្រាបឃាត់ខ្លួនជនសង្ស័យជាមុខសញ្ញាឆក់កាបូបយ៉ាងសកម្មម្នាក់ ក្នុងចំណោមបក្ខពួក៣នាក់
31-March-2020 | ដោយ ពលមនសិការ
កណ្តាល៖ ជនសង្ស័យជាមុខសញ្ញាឆក់កាបូបយ៉ាងសកម្មម្នាក់ ក្នុងចំណោមបក្ខពួក៣នាក់ ត្រូវបាននគរបាលក្រុងតាខ្មៅ បង្ក្រាបឃាត់ខ្លួនបាននៅថ្ងៃទី២៩ ខែមីនា ឆ្នាំ២០២០ វេលាម៉ោង២៣និង៥០នាទី ក្រោយពីជនសង្ស័យនិងបក្ខពួកបានធ្វើសកម្មភាពឆក់កាបួបប្ដីប្រពន្ធ២នាក់ កាលពីថ្ងៃទី១៨ ខែមីនា ឆ្នាំ២០២០ ម៉ោង៩និង៣០នាទី ត្រង់ចំណុចតាមផ្លូវជាតិ២ ស្ថិតក្នុងភូមិតាក្តុល សង្កាត់តាក្តុល ក្រុងតាខ្មៅ ខេត្តកណ្តាល។
មន្ដ្រីនគរបាលក្រុងតាខ្មៅបានឲ្យដឹងថា ជនសង្ស័យមានគ្នា៣នាក់ ទី១-ឈ្មោះ គុជ ប៉ាក់ស័រ ភេទប្រុស អាយុ១៧ឆ្នាំ ទីលំនៅភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញភ្នំពេញ មុខរបរមិនពិតប្រាកដ(ឃាត់ខ្លួន), ទី២-ឈ្មោះ គឹម មនោរម្យ ហៅណូ ភេទប្រុស អាយុ២៣ឆ្នាំ មានទីលំនៅ ភូមិព្រែកឫស្សី សង្កាត់ព្រែកឫស្សី ក្រុងតាខ្មៅ ខេត្តកណ្តាល មុខរបរមិនពិតប្រាកដ(គេចខ្លួន) និងទី៣-ឈ្មោះ ជា តុលា ហៅបារាំងភេទប្រុស អាយុ២៤ឆ្នាំ មានទីលំនៅ ភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្តាល,មុខរបរ:មិនពិតប្រាកដ(គេចខ្លួន)។
ចំណែកជនរងគ្រោះដែលជនសង្ស័យធ្វើសកម្មភាពឆក់កន្លងមក ទី១-ឈ្មោះ សុខ សឿន ភេទស្រី អាយុ៣៩ឆ្នាំ មានទីលំនៅភូមិតាខ្មៅ សង្កាត់តាខ្មៅ ក្រុងតាខ្មៅ ខេត្តកណ្តាល មុខរបរនៅផ្ទះ ទី២-ឈ្មោះសេង សុម៉ាលី ភេទស្រី អាយុ៥៥ឆ្នាំ មានទីលំនៅភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្តាល មុខរបរនៅផ្ទះ ទី៣-ឈ្មោះវ៉ែន ស្រីណុច ភេទស្រី អាយុ២១ឆ្នាំ មានទីលំនៅភូមិព្រែកឬស្សី សង្កាត់ព្រែកឬសស្សីក្រុងតាខ្មៅ ខេត្តកណ្តាល មុខរបរនៅផ្ទះ ទី៤-ឈ្មោះហ៊នហាក់ ភេទស្រី អាយុ២៨ឆ្នាំ មានទីលំនៅភូមិព្រែកហូរកើត សង្កាត់ព្រែកហូរ ក្រុងតាខ្មៅ ខេត្តកណ្តាលមុខរបរនៅផ្ទះ ទី៥-ឈ្មោះសេងសុម៉ាលី ភេទស្រី អាយុ៥៥ឆ្នាំមានទីលំនៅភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្តាល,មុខរបរនៅផ្ទះ ទី៦-ឈ្មោះលីប៊ុនណារី ភេទស្រី អាយុ៣៥ឆ្នាំមានទីលំនៅភូមិព្រែកកាត់ សង្កាត់តាក្តុល ក្រុងតាខ្មៅ ខេត្តកណ្តាល មុខរបរនៅផ្ទះ និងទី៧-ឈ្មោះគង់សុថារី ភេទស្រី អាយុ៦០ឆ្នាំ មានទីលំនៅភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាលមុខរបរនៅផ្ទះ។
ប្រភពដដែលបន្ដថា មុខសញ្ញាចោរឆក់យ៉ាងសកម្មនេះ បានធ្វើសកម្មភាពឆក់ចំនួន៧ករណីហើយ នៅក្រុងតាខ្មៅ បានសម្រេចទាំងអស់។ បន្ទាប់ពីកម្លាំងធ្វើការស្រាវជ្រាវ និងស៊ើបអង្កេតអស់រយៈពេលជិត១ខែទើបកំណត់មុខសញ្ញា ឈានដល់ការឃាត់ខ្លួនបានតែម្តង។
ប្រភពដដែលបន្ដទៀតថា កាលពីថ្ងៃទី១៨ ខែមីនា ឆ្នាំ២០២០ វេលាម៉ោង៩និង៣០នាទី ត្រង់ចំណុចតាមផ្លូវជាតិ២ ស្ថិតក្នុងភូមិតាក្តុល សង្កាត់តាក្តុល ក្រុងតាខ្មៅ ខេត្តកណ្តាល ខណៈដែលជនរងគ្រោះ២នាក់ប្ដីប្រពន្ធកំពុងជិះម៉ូតូឌុបគ្នា ពេលនោះស្រាប់តែជនសង្ស័យ២នាក់ជិះម៉ូតូ១មួយគ្រឿង ម៉ាកHonda សេ១២៥ ពណ៌ខ្មៅមិនចាំស៊េរី និងស្លាកលេខ ដោយឈ្មោះ គឹម មនោរម្យ ជាអ្នកឌុប ចំនែកឈ្មោះ គុជ ប៉ាក់ស័រ អង្គុយខាងក្រោយបានធ្វើសកម្មភាពឆក់កាបូបពីដៃជនរងគ្រោះហើយបើកម៉ូតូគេចខ្លួនបាត់តែម្តង។ ក្រោយពីទទួលបានព័ត៌មានពីប្រជាពលរដ្ឋថាមានករណីឆក់ការបូបនៅចំណុចខាងលី កម្លាំងផ្នែកយុត្តិធម៌ក្រុងតាខ្មៅ បើកការស៊ើបអង្កេតកំណត់មុខសញ្ញាបាន ហើយធ្វើការស្រាវជ្រាវ រហូតមកដល់ថ្ងៃទី២៩ ខែមីនា ឆ្នាំ២០២០ វេលាម៉ោង២៣និង៥០នាទី ក៏ឃាត់ខ្លួនបានជនសង្ស័យម្នាក់ ហើយយកមកសាកសួរនៅអធិការដ្ឋាននគរបាលក្រុងតាខ្មៅ។
នៅចំពោះមុខសមត្ថកិច្ចជនសង្ស័យបានឆ្លើយសារភាពថាខ្លួននិងបក្ខពួក២នាក់ទៀតដែលមានឈ្មោះដូចខាងលើ ពិតជាបានធ្វើសកម្មភាពឆក់កាបូបរបស់ជនរងគ្រោះប្រាកដមែនហើយកន្លងមកមិនចាំថ្ងៃខែក្នុងឆ្នាំ២០២០ ខ្លួននិងបក្ខពួក២នាក់ខាងលើ ក៏ធ្លាប់បានធ្វើសកម្មភាពឆក់កាបូបអ្នកដំណើរជាច្រើនលើកនៅក្នុងភូមិសាស្ត្រ ក្រុងតាខ្មៅផងដែរ ៕
ចំនួនអ្នកទស្សនា
- ថ្ងៃនេះ2861
- ម្សិលមិញ15191
- សប្តាហ៍នេះ46011
- ខែនេះ67891
- ឆ្នាំនេះ67891
- សរុប20510347